As jy ‘n eiendomsagent, ‘n kredietverskaffer, ‘n handelaar in hoëwaardegoedere of ‘n ander verantwoordingspligtige instelling ingevolge FICA is, het die Finansiële Intelligensiesentrum (FIC) vanjaar die reëls verander. Hier is wat jy moet weet en hoe ons jou kan help.
Wat is ‘n RMCP?
Jou Program vir Risikobestuur en Nakoming (RMCP) is die dokument wat uiteensit hoe jou besigheid sy kliënte identifiseer, die risiko van geldwassery bestuur en verdagte transaksies aanmeld. Elke verantwoordingspligtige instelling moet een hê. Dit moet by jou besigheid pas, deur jou direkteure of senior bestuur goedgekeur wees, en prakties toegepas kan word. ’n Templaat wat van die rak af gekoop is, is nie genoeg nie.
Wat het verander?
- Riglynnota 7B, wat op 3 Augustus 2026 gepubliseer is, brei uit op wat die FIC in jou RMCP wil sien. As jou RMCP voor Augustus 2026 opgestel is, moet dit heel waarskynlik opgedateer word.
- Direktief 10 vereis dat jy die besonderhede van jou hoofkantoor en elke tak teen 29 Oktober 2026 op goAML (FIC se registrasie- en verslagdoeningsportaal) verskaf.
- Direktief 12 vereis dat jy elke jaar ‘n afskrif van jou RMCP by die FIC indien. Eiendomsagente en handelaars in hoëwaardegoedere moet teen 31 Oktober 2026 indien. Regspraktisyns, diensverskaffers aan trusts en kredietverskaffers moes teen 9 Oktober 2026 ingedien het. As jy daardie sperdatum gemis het, dien so gou moontlik in.
Waarom is dit belangrik?
Die FIC hersien nou elke RMCP jaarliks, wat beteken dat ’n verouderde program vinnig uitgelig word. Boetes kan tot R10 000 000 (tien miljoen rand) vir ‘n individu en tot R50 000 000 (vyftig miljoen rand) vir ‘n besigheid beloop.
Hoe ons kan help
Ons hanteer die hele proses van begin tot einde:
- Ons hersien jou bestaande RMCP of stel ‘n nuwe een op.
- Ons berei die besluit voor wat jou RMCP goedkeur.
- Ons hanteer die opdatering van jou goAML‑registrasie.
- Ons dien jou RMCP by die FIC in.
- Ons lei jou personeel op.
Nie seker of jou RMCP op datum is nie? Stuur dit vir ons en ons sal jou presies sê waar jy staan. Ons help ook met nakoming van POPIA en met bestuur vir maatskappye, trusts en regspersone van deeltitelskemas.
Kontak Van der Walt & Associates Inc. om ‘n konsultasie te reël.
Hoewel daar redelike pogings aangewend word om die akkuraatheid van die inhoud van hierdie publikasie te verseker, sal nie die skrywers van die artikels nie, sowel as die uitgewer, verantwoordelik wees vir enige gevolge wat voortspruit uit aksies wat gebaseer is op die inligting of aanbevelings wat hierin vervat is nie. Ons materiaal is net vir inligtingsdoeleindes.